您现在的位置是: 首页 > 财经 >

呢张 mastercard 无号码,型到爆!我抢先有张 WeLab Bank 卡

  • 2021-02-07 08:59:56

见 WeLab Bank 喺 (17/6) 正式公布试业,睇嚟呢篇文都可以写得出街,其实我早过 YK 半个月已攞到 WeLab Bank 嘅帐号 (佢嘅介绍,可以 Click 呢度) 。当时因为一个朋友嘅帮忙,令到我成为最早期嘅用户之一,而我已经手执一张 WeLab Bank 发行嘅 mastercard。呢张卡,其实係一张 debit card,最大特色係唔会有号码係上面,张卡设计好简约。而我嗰张多咗只「Founding member」嘅字。作为一个虚拟银行用家,就等我分享一下,WeLab Bank 好唔好用,呢张 mastercard 跟大家用开嘅嘅 mastercard 有乜嘢唔同。


无号码 mastercard 试用 WeLab Bank 呢张 mastercard ,拎上手,虽然用银色令到你觉得好似係金属卡,但佢事实只係一张胶卡,不过胶定金属都好,功能先係最紧要。虽然,佢係一张 mastercard,但跟 HKT 嗰张 TapnGo mastercard 一样,都係一张 debit card,即係要户口里面有钱先可以「碌」。而跟 Tap nGo 嗰张 mastercard 唔同,WeLab Bank 嘅 mastercard,仲有提款功能,係用银通提款机,係海外用贴咗 mastercard 嘅 ATM 就得。功能咁好,我就用充满期待嘅心情试用呢张卡。
   ▲ 首先收到嘅係 WeLab Bank 标誌颜色嘅 folder 包住张 mastercard 卡,呢张係无号码 mastercard  嚟嘅,正面见到一个醒目嘅 WeLab logo,而右下就係 mastercard network 嘅 logo,真係一只字都无。呢张卡係 debit card,但係全球收 mastercard 地方同埋有 mastercard logo 嘅 ATM 提款机,都可以用到呢张卡。此外,大家仲见到佢係有晶片嘅,仲有 contactless 嘅 logo,意味着呢张卡唔一定要「碌」,拍卡畀钱都可以嘅。

背面就见到 Jetco network 嘅 logo,嘅银通 network ATM 都可以免费提款,有别外国嘅 virtual bank 限制,暂时见到无任何提款嘅上限,即係你嗰 Welab Bank 户口有几多钱 (当然唔係定期),你就可以揿几多出嚟。


▲ 要 active 张卡好简单,只要开只 App screen 入面个 QR code 就可以了,快过你去整杯麵。
  碌卡之前先入钱 拎完张卡,当然要入钱落去啦。所有虚拟银行都係无实体分行畀你入钱,全部都要用 online 去做,即係用 FPS 转数快或经其他银行 online banking 入钱落去。我曾经读过一篇来自经济日报某人嘅专栏,话呢类虚拟银行 Virtual Bank (VB) 只可以用转数快 FPS 入钱。错晒啦!我建议佢快快趣,睇返 YK 篇分享文,去申请返个户口,反正开户口无收费,又无存款下限。



▲ 收到张卡后就可以入去呢到睇到自己卡 number,只要 click 左上角合埋嘅眼,入返 password 就可以睇返。係我写紧呢篇文嗰阵,有两样嘢未做到,首先係无冻结卡功能,即係唔可以突然暂停张卡。而银通机嘅无卡提款都未用到住 (但可以插实体卡嘅) ,相信稍后都会开通有关服务。


▲ 先落街买嘢饮,咁呢张 Debit card 係有 contactless 功能,拍一拍卡就搞掂,钱已付。

   
 ▲ 喺消费后,无好似 AE 卡咁,喺 app 弹嗰通知俾你,但都会用手机短讯 SMS 同埋 Email 传送俾你做记录。不过,如果你用呢张卡做网上消费,例如我挂呢张卡去我嘅 Uber 户口,我反而喺 Welab Bank 嘅 app 收到通知,同时都收到个 email 话我喺 Uber 交易,但可惜嘅係,我都唔可以喺 app 入面见到我交易嘅 detail,例如我喺边到做过乜嘢交易等等,虽然我会收到 email 去通知,但喺 app 做唔到同步显示,唔够 user friendly。

可能因为 offline transaction,商户当日未做结算,所以做唔到即时显示。个人认为可以照 show 出嚟。无嘅话,有 email 通知都好。事实上,全部 transaction 喺 dashboard 见到,都係最好嘅。未确实结算嘅交易,我建议可以好似 AE 卡咁,写返「Pending」已经足够俾人知道到底有咩商户 hold 咗条数。
  总结 WeLab Bank 嘅 matercard,造型相当唔错。实际用上来,其实跟大银行嘅 mastercard 信用卡无大分别,至少可以係 7 仔、超市照用、你坐龙运 A 车去机场,用嚟畀车费都仲得。

WeLab Bank 喺 App 功能上,我觉得对比目前嘅传统银行,已有不少进步,例如嗰 App 入面,已有 tool 做统计,等用户知道自己洗嘅钱主要去咗边。

此外,以下是我对 Welab Bank 嘅 mastercard 跟专用 App 嘅几个建议

001:嘅信用卡/debit card,一直都係以签名作签帐,但作为以科技行先嘅 Virutal Bank,我建议可以引入欧洲惯常用法,改用 PIN 作身份认证。相信大家用 Contactless 信用卡,都知道过咗 $500就要你签名,不过,就算呢张无号码嘅 mastercard,若果你跌咗张卡,又赶唔切喺 App 停用咗佢,你都一样可能被人盗用。签个名,好容易!若果,可以自行设定 contactless payment 上限,再加上改用 PIN 作身份认证,係保安上会更加好。

002: 正如前文有讲,专用 app 喺交易上可以改为即时显示。即使商户唔係即时结算,用户都希望得知自己係咪做紧交易。再者可以唔用 email 改为 app 作交易通知,我都会觉得比较可取。因为如果太多 email,只会令到用家完全 miss 晒所有通知。

003:加入缴费功能吧!如果一个 app 可以处理晒每个月交唔同帐单嘅问题,我相信唔少人会肯转过来用。另外,跟商户倾「direct debit」都係一个出路,配合埋 mastercard network 下,可以做嘅会更多。

虚拟银行比起其他国家都要迟起,但有其他国家做参考,同埋科技发展同埋银行相对开放,环境有条件做到更好甚至超越领头嘅国家。当传统银行仲係轻视一众虚拟银行嘅时候,不如就由虚拟银行来一个重击先,改变到整个银行对用户嘅体验吧。

 

Top